Чулкасри тěп шкулта нарăс уйăхěн 14 - мěшěнче Чăваш чěлхипе литература эрни уçăлчě. Ăна эпир Раççей Федерацин «Театр çулне» халаллатпăр.

       «Пирěн пěчěк театр» конкурса шкулти ачасем интересленсех хутшăнчěç. Тěлěнмелле конкурс пулчě ку.  Çак конкурса ача сачěн шăпăрланěсем  те хутшăнмасăр юлмарěç. Куракансем пěчěк артистсен тумтирне, хусканăвне, кăларăшне ăша хывса кăмăл туличчен киленме пултарчěç.

        Ача садěнчи Моисеева София тата Петров Егор «Кашкăрпа сурăх» юмах лартса пачěç, виççěмěш класс ачисем – С. Шавлин «Вěçкěн Ваççа», тăваттăмěшсем – Л. Сарине «Наян мулкач», пиллěкмěшсем – В. Енěшěн «Пăкăварить», улттăмěшсем – В. Дмитриевăн «Чаплă парне» тата ытти те.

       Çак конкурс хыççăн ачасем К. В. Иванов ячěллě Чăваш академи драма театрне спектакль кайса курма кăмăл турěç.