Нарǎс уйǎхěн  21-мěшě – Пěтěм тěнчери тǎван чěлхесен кунě. Çак куна паллǎ тума 1999 çулхи чÿк уйǎхенче Юнеско организацийěн Аслǎ конференцийěнче каласа хǎварнǎ. Пěрремěш хут ǎна 2000 çулта нарǎс уйǎхěн 21-мěшěнче паллǎ. Тěллевě - чěлхе тата культурǎн нумай енлěхне сыхласа хǎварасси.

Вармар районěнчи Чулкасри пěтěмěшле пěлÿ паракан тěп шкулта Пěтěм тěнчери тǎван чěлхесен кунě ячěпе  «Тǎван чěлхем! Таса хěлхем!» мероприяти иртрě. Чи малтанах пуçтарǎннисене Семенова Елена Васильевна тата Михайлова Альбина Васильевна вěрентекенсем  тǎван чěлхесен пурнǎçри вырǎнě çинчен  тěплěн ǎнлантарса пачěç. Ун хыççǎн  ачасем «История великого народа» ятлǎ фильм пǎхса чǎвашсен авалхи пурнǎçěпе паллашрěç.

Мероприятин иккěмěш пайěнче  лайǎх вулакансен конкурсě иртрě. Ăна  Чǎваш автономи облаçне туса хунǎранпа 100 çул çитнине тата Астǎвǎмпа мухтав çулталǎкне халалланǎ. Конкурса вěренекенсем тěплěн хатěрленнě..

Жюри членěсем çěнтерÿçěсемпе призерсене тата конкурса хутшǎнма кǎмǎл тунǎ ачасене  тав турěç, малашне те хастар пулма ǎнǎçу сунчěç.